MANILA, Philippines – May lead ang National Bureau of Investigation (NBI) sa huling lokasyon ng negosyanteng si Atong Ang, ayon kay spokesperson Palmar Mallari.
“We have, actually, addresses where supposedly some of the accused and even Charlie “Atong” Ang were supposedly last seen,” sinabi ni Mallari sa briefing.
Nag-isyu ang korte sa Batangas ng arrest warrants laban kay Ang at iba pa sa multiple counts ng kidnapping with homicide at kidnapping at serious illegal detention.
Sinabi rin ni Mallari na kumpiyansa silang nasa bansa pa si Ang.
“Walang information na nakaalis na siya. And that is being reinforced by the statements and the records of the Bureau of Immigration… information from reliable sources na hindi pa nakakalis,” ayon kay Deputy Director for Operations Jose Justo Yap.
Ipinatupad ng Philippine National Police (PNP) ang arrest warrant nitong Miyerkules.
Samantala, humiling na rin ang PNP-Criminal Investigation and Detection Group sa paglalabas ng Interpol red notice laban kay Ang. RNT/JGC
