MANILA, Philippines- Arestado ng mga pulis ang isang Nigerian national dahil sa possession of illegal drugs at baril sa Commission on Elections (Comelec) checkpoint sa Barangay Ligid-Tipas, Taguig.
Natuklasan sa hindi pinangalanang Nigerian ang 3.83 gramo ng cocaine, 2.8 gramo ng dried marijuana leaves, isang baril at bala.
Inaresto ang suspek sa paglabag sa Republic Act 9165 (Comprehensive Dangerous Drugs Act of 2002), Republic Act 10591 (Comprehensive Firearms and Ammunition Regulation Act), at Section 261 ng Omnibus Election Code (gun ban).
Sinimulan ng Comelec ang pagpapatupad ng gun ban noong Jan. 12 para sa May 12 national and local elections. Iiral ito hanggang June 11. RNT/SA