MANILA, Philippines- Hindi na kailangang magsumite ng pensioners ng Social Security System (SSS) ng supporting documents kapag nag-aapply para sa loan, base sa state-run social insurance program.
Sa pagdiriwang nito ng Pensioners Day nitong Biyernes, pinaalalahanan ng SSS ang pensioners na ang pagiging SSS retirement pensioner ang dahilan ng pagiging eligible nila para sa Pensioner Loan Program.
Nilinaw ni SSS Commissioner Robert De Claro na ang retirement pensioners na nakatatanggap ng kanilang monthly pension ang maaaring mag-apply ng loan nang walang collateral.
“For as long as you’re an eligible pensioner, hindi dapat mahirap mag-avail iyong pension program,” ani De Claro. RNT/SA
