MANILA, Philippines – Nananatili ang alert level 2 ng pamahalaan sa Israel.
Kasabay nito ay inabisuhan ng Department of Foreign Affairs (DFA) ang mga Filipino na ipagpaliban na muna ang non-essential travel sa nasabing bansa.
Ang alert level 2 ay unang itinaas noong Oktubre 2023 dahilan para ipagbawal muna ang pagpunta ng mga Filipino sa Israel.
“The Philippine Embassy in Tel Aviv continues to recommend that all non-essential travel from the Philippines to Israel be postponed indefinitely, or until such time that the situation has stabilized,” ayon sa DFA.
“If travel to Israel is absolutely necessary, Filipinos are advised to follow all precautions,” dagdag pa nito.
Hinimok ng DFA ang mga Filipino sa rehiyon na manatiling alerto at maging updated sa mga anunsyo ng kanilang host governments.
“For contingency planning purposes, all Filipinos are likewise encouraged to coordinate with their overseas community leaders and our Philippine Embassies/Consulates,” saad ng DFA.
Ang pinakahuling abiso ay inisyu ng DFA kasunod ng missile attack ng Iran sa Israel. RNT/JGC
