MANILA, Philippines – Makakaapekto sa silangang bahagi ng Northern at Central Luzon ang Northeasterly Windflow ngayong Martes, Oktubre 7.
Ayon sa PAGASA, ang Bicol Region at Quezon ay magkakaroon ng maulap na kalangitan na may pag-ulan dahil sa Northeasterly Windflow.
Ang kaparehong weather condition ay magdadala ng maulap na kalangitan na may isolated rainshower o thunderstorm sa Cagayan Valley, Ilocos Norte, Apayao at Aurora.
Samantala, ang Mindanao, Visayas, at Palawan ay makararanas ng maulap na kalangitan na may kalat-kalat na pag-ulan at thunderstorm dahil sa Intertropical Convergence Zone.
Habang ang Metro Manila at nalalabing bahagi ng bansa ay magkakaroon ng isolated rainshowers o thunderstorms dahil sa localized thunderstorms. RNT/JGC
