MANILA, Philippines – Pormal nang naisilbi ng House Committee on Justice ang notice na nag-aatas kay Vice President Sara Duterte na tumugon sa dalawang impeachment complaint na inihain laban dito na una nang idineklara ng komite na sufficient in substance and form.
Ang notice ay ipinadala sa tanggapan ng Office of the Vice President sa Cybergate Plaza sa Mandaluyong City.
“You are hereby directed to file your Verified Answer to the abovementioned complaints within a NON-EXTENDIBLE period of ten (10) calendar days from receipt of this Notice, and to serve a copy of your Verified Answer upon the complainants within the same period as required under Sec. 6 of the Rules,” nakasaad sa notice.
Ang notice ay pirmado ni House Committee on Justice chairperson Atty. Gerville Luistro.
Nakasaad din sa notice na kung mabibigo si Duterte na tumugon ay mayroon itong legal consequences.
“Failure on your part to file the Verified Answer within the period herein provided shall be deemed a waiver of your right to file the same, and you shall be considered to have interposed a general denial to the allegations contained in the Impeachment Complaints,” ayon sa notice.
Kasama sa isinilbing notice ang kopya ng impeachment complaint laban kay Duterte.
Batay sa record ng Kamara, ang notice ay natanggap ng Office of the Vice President ng alas 10:44 ng umaga ng Marso 5, 2026. Gail Mendoza
