NPC sa media sa pag-alala sa Ampatuan Massacre: Manatiling maging mapagmatyag

MANILA, Philippines – NANAWAGAN ang National Press Club  of the Philippines (NPC) sa lahat ng miyembro ng media na manatiling mapagmatyag upang matiyak ang kanilang kaligtasan at seguridad kasabay ng paggunita sa ika-15 taon ng Maguindanao Massacre.

Ang brutal na pagpaslang sa 58 katao, na kinabibilangan ng 32 mediamen, sa hindi malilimutang araw na iyon noong 2009 ay iniukit na sa kasaysayan bilang isa sa pinakamadilim na araw para sa mga mamamahayag. At habang mayroon nang mga hinatulan, ang NPC ay hindi titigil sa pagiging nangunguna sa paglaban upang makuha ang buong hustisya para sa ating mga nasawing kasamahan at kanilang mga pamilya.

“Apart from taking the battle to court through the untiring efforts of our lawyers Atty. Michael Mella and Atty. Nena Santos the NPC have always made sure steady help is extended to those left behind by the victims,” pahayag ni NPC president Leonel “Boying” Abasola.

“This includes educational assistance to the children of the victims to help ensure a better future for them,” dagdag pa ni Abasola.

Ang malagim na masaker ay may motibo sa pulitika, dahilan kung bakit hinihimok ng NPC ang mga mamamahayag na huwag hayaang gamitin ang kanilang mga sarili bilang mga sangla ng mga kandidatong may lihim na motibo at ipagpatuloy ang kanilang pagbabantay at pagkilos upang matiyak na hindi na mauulit ang ganitong trahedya.

“The NPC will not tire in working with government and law enforcement agencies and the Presidential Task Force on Media Security (PTFoMS) to ensure the safety and security of our brothers and sisters in the profession,” ayon pa kay Abasola.

Samantala, dinaluhan naman ng bagong hinirang na Executive Director ng PTFoMS na si Jose “Joe” Torres Jr. ang nasabing simpleng seremonya na ginanap sa NPC

Itinuturing na “first public appearance” bilang PTFoMS Chief ni Usec. Torres ang nasabing programa kung saan nagpahayag na titiyakin nito na lalo niyang palalakasin ang task force na pigilan at tugunan ang mga pagpatay at karahasan sa miyembro ng media, pahusayin ang koordinasyon sa pagitan ng mga ahensya ng gobyerno at mga organisasyon ng media, partikular na sa lokal na antas, itaguyod ang isang kultura ng kaligtasan at paggalang sa kalayaan sa pamamahayag at tiyakin na ang hustisya ay nagsisilbi para sa lahat ng biktima ng pag-atake laban sa mga manggagawa sa media. JR Reyes