MANILA, Philippines – Humiling ang Office of the Ombudsman sa Sandiganbayan na maglabas ng precautionary hold departure order laban kina Senator Francis “Chiz” Escudero at negosyanteng si Maynard Ngu kaugnay ng imbestigasyon sa umano’y plunder, graft, at indirect bribery sa flood control scandal.
Napunta ang kaso sa Sixth Division ng Sandiganbayan noong Sabado ng hapon.
Ayon kay dating DPWH Undersecretary Roberto Bernardo, umano’y ipinadaan niya kay Ngu ang 20% o P160 milyon mula sa P800 milyong proyekto sa Valenzuela na ipinasok sa General Appropriations Act, at ang halagang ito ay “meant for Senator Francis ‘Chiz’ Escudero.”
Sinabi rin ni Bernardo na “close friend” niya si Ngu at personal niyang dinala ang pera sa opisina nito sa Maynila. Sa kanyang affidavit, inilarawan din niya si Ngu bilang “close friend” at campaign contributor ni Escudero.
Mariing itinanggi ni Ngu ang mga paratang.
“I absolutely denied all the allegations made by Usec. Bernardo. That’s the reason why I already filed the case against Usec. on defamatory insinuations. For this, I invoke the sub judice rule because it’s pending already with appropriate courts,” ani Ngu.
Pinabulaanan din ni Escudero ang alegasyon at sinabing magsasampa siya ng kaso laban kay Bernardo.
“By his own admission, he never had any contact with me directly regarding this matter—and I will prove that he is lying about my alleged involvement,” ani Escudero.
Patuloy ang imbestigasyon sa nasabing isyu. RNT/MND
