Online seller, model timbog sa P1.7M ecstasy!

MANILA, Philippines – Timbog ang isang online seller at isang babaeng part time model sa isinagawang buy-bust operation sa Barangay San Francisco sa Binan, Laguna nitong Martes, Septyembre 24.

Nasakote ang mga suspek ng pinagsanib na puwersa ng Philippine Drugs Enforcement Agency Laguna at Philippine National Police kung saan nasamsam ang nasa P1.7 milyong halaga ng ecstasy.

Kinilala ang mga suspek na sina Mark Marvin Piathong y Claridad, 28, binata, online seller at nakatira sa Bacoor City, Cavite; at Dhaesyrie Dumale, 20, part time model, residente ng B Camarin, Caloocan City.

Base sa inisyal na report nasakote ang dalawa nang magpanggap ang Binan City PNP na poseur buyer, nang magkabentahan ay inaresto ang dalawang suspek na kapwa kabilang sa high value drug personalities.

Narekober sa mga suspek ang nasa 1,014 pirasong ecstasy tablets na may timbang na humigit kumulang sa 400 grams at kabilang din sa nakumpiska sa mga suspek ang ginamit na buy-busty money. Ellen Apostol