P.9M pekeng yosi nasabat sa Arayat checkpoint

MANILA, Philippines – Nasabat ng mga pulis sa isang checkpoint sa Brgy. Mapalad, Arayat, Pampanga ang ₱900,000 halaga ng pekeng sigarilyo noong Mayo 14, 2025.

Arestado ang dalawang suspek na kinilalang sina “Gerald” ng Lubao, Pampanga at “Noel” ng San Luis, Batangas matapos tangkaing tumakas.

Nakuha sa kanila ang 60 kahon ng sigarilyo sakay ng isang Nissan Urvan. Nabigong magpakita ng dokumento ang mga suspek, kaya’t sinampahan sila ng mga kasong paglabag sa RA 7394, RA 8293, at RA 1937.

Pinuri ni PBGen Jean S. Fajardo ang mabilis na kilos ng pulisya at nangakong paiigtingin pa ang kampanya kontra mga produktong peke sa rehiyon. RNT