DUMAGUETE CITY – Nasamsam ng mga pulis ang PHP1.7 milyong halaga ng shabu at naaresto ang isang hinihinalang tulak ng droga sa isinagawang buy-bust sa Barangay Candau-ay, nitong lungsod, malapit nang hatinggabi Lunes.
Sinabi ni Lt. Stephen Polinar, tagapagsalita ng Negros Oriental Police Provincial Office (NOPPO), nitong Martes na ang 40-anyos na lalaking suspek, ng Purok Iba, Barangay Palinpinon, bayan ng Valencia, ay inuri bilang isang “high-value individual” sa listahan ng pulis.
Siya ay naaresto dakong 11:45 p.m. habang nagbebenta umano ng shabu sa isang undercover agent sa Purok Yellow Tops sa Barangay Candau-ay.
Humigit-kumulang 250 gramo ng hinihinalang shabu ang nakumpiska ng mga awtoridad sa operasyon.
Kasalukuyang nakakulong ang suspek habang inihahanda ng pulisya ang pagsasampa ng kaso. RNT
