NAVOTAS, Philippines – Nagsamsam ang Philippine National Police Criminal Investigation and Detection Group (PNP-CIDG) ng frozen food na nagkakahalaga ng P100 milyon sa Navotas City dahil walang permit.
Ayon sa ulat noong Biyernes, ang mga nakumpiskang produkto ay binubuo ng iba’t ibang karne, isda, at iba pang agri-fishery products, na may kabuuang 1,071 kahon. Maaaring ito rin ay ilegal na smuggled at delikado para sa kainin.
Ang operasyon ay isinagawa matapos ang pagpapatupad ng search warrant sa paglabag sa Republic Act No. 10611 o Food Safety Act of 2013. Tinarget ng PNP ang ilang cold storage warehouses sa Navotas City.
Ani PNP Acting Chief Police Lt. Gen. Jose Nartatez Jr., pinapakita ng aksyong ito ang patuloy na pangangalaga ng PNP sa kalusugan at kaligtasan ng publiko, lalo na ngayong papalapit ang Pasko. Pinayuhan din niya ang lahat na tiyaking ligtas, maayos ang pinagmulan, at sumusunod sa food safety standards ang pagkain na ihahain sa pamilya.
Dagdag pa niya, ang operasyon ay nagpapakita na mahigpit na ipinatutupad ang batas laban sa mga gawaing nakapipinsala sa kalusugan ng publiko at consumer protection. RNT/MND
