MANILA, Philippines – Arestado ng mga awtoridad ang isang lalaking jobless mula sa Tagbilaran City, Bohol sa operasyong isinagawa sa Marigondon, Lapu-Lapu City nitong Huwebes, Agosto 8.
Kinilala ng Philippine Drug Enforcement Agency-7 ang suspek na si Mark Niño Caliniahan, 26, na nakuhanan ng kabuuang dalawang kilo ng hinihinalang shabu na nagkakahalaga ng P13.6 milyon.
Ayon sa PDEA-7, isinagawa ang operasyon kasama ang mga operatiba mula sa Naval Forces Central Philippines, kasunod ng tip mula sa isang confidential informant at suspek sa mga dating naaresto sa illegal na operasyon.
Ang suspek ay kaya umanong makapagbenta ng halos isang kilo ng illegal na droga linggo-linggo.
Ipinasa na ang mga nakumpiskang droga para sa chemical analysis at tamang disposisyon. RNT/JGC
