MANILA, Philippines – Sinunog ng mga pulis ang marijuana na nagkakahalaga ng P14.5 milyon sa isinagawang operasyon ng eradication sa Mount Balitok, Barangay Saclit, Sadanga, Mountain Province, noong Miyerkules, Oktubre 16.
Sinabi ng Mountain Province Police Provincial Office na 72,900 fully grown marijuana plants ang nadiskubre ng Sadanga Municipal Police Station, 2nd Mountain Province Provincial Mobile Force Company, Provincial Intelligence Unit at Provincial Drug Enforcement Unit ng Mountain Province PPO, Regional Intelligence Unit-14, at Philippine Drug Enforcement Agency-Cordillera Administrative Region.
Ang sapat na mga sample ay nakolekta at isinumite sa Regional Forensic Unit-Cordillera Administrative Region para sa ebidensya at pagsusuri.
Nagsasagawa ng follow-up operation ang pulisya para matukoy ang iba pang plantasyon ng marijuana sa lugar at ang mga nagtatanim ng mga ito. RNT
