MANILA, Philippines – Nasamsam ng National Bureau of Investigation (NBI) ang tinatayang P145 milyong halaga ng pekeng luxury products mula sa ibat-ibang commercial stores sa Binondo, Manila.
Sa pahayag, sinabi ng NBI na ang kanilang Rizal District Office (RIZDO) ay nagpatupad ng 30 search warrants sa ibat-ibang tindahan sa Binondo para sa paglabag ng Intellectual Property Code of the Philippines noong Hulyo 26.
Nagresulta ito sa pagkakasamsam ng mga pekeng Balenciaga, Bottega Veneta, Gucci, YSL at Saint Laurent Paris products.
Ayon kay NBI Director Jaime Santiago, isinagawa ng NBI-RIZDO ang operasyon matapos itong makatanggap ng letter complaint laban sa ilang establisyimento noong Hunyo 26.
Pagkatapos ay nagsagawa ito ng surveillance at test-buy operations, na nagkumpirma sa impormasyon. Jocelyn Tabangcura-Domenden
