MANILA, Philippines – May isa na namang masuwerteng mananaya ang naging milyonaryo matapos niyang mapanalunan ang mahigit P155.2 milyon na jackpot sa 6/58 Ultra Lotto para sa draw noong Nobyembre 30.
Batay sa resulta ng Philippine Charity Sweepstakes Office (PCSO), isang bettor ang nakakuha ng winning combination sa Ultra Lotto — 26-8-20-3-58-28 — na may jackpot na P155,223,593.80.
Samantala, walang nanalo sa 6/49 Super Lotto na may winning combination — 6-32-3-21-10-7 — at may jackpot na P27,769,526.40.
Dahil dito, inaasahang aabot o hihigit pa sa P28 milyon ang jackpot para sa susunod na Super Lotto draw sa Martes. RNT/MND
