MANILA, Philippines – IKINASA na ng Department of Agriculture (DA) ang pilot test ng P20-per-kilo rice na inisyatiba sa Cebu.
Sinabi ng DA na nilagdaan na ng Food Terminal Inc. at Provincial Government of Cebu ang memorandum of agreement para sa subsidy sharing para ipatupad ang pilot test sa mas mababa at murang presyo ng bigas sa lalawigan.
Ang buong pilot test, tatakbo hanggang Disyembre , saklaw ang iba pang rehiyon sa Visayas at dapat na mapakinabangan ng 800,000 pamilya o apat na milyong katao.
“Today, Labor Day, we fulfill a promise made three years ago by President Bongbong Marcos to the Filipino people: to bring down the price of rice to P20 per kilo. That promise is now a reality—Benteng Bigas Meron Na!” ayon kay Agriculture Secretary Francisco Tiu Laurel Jr.
Sinabi ng DA na sinimulan na ng local government units (LGUs) ng Cebu province na kumuha ng stocks mula sa bodega ng National Food Authority (NFA) sa Cebu City.
Sinasabing sa pagitan ng April 29 hanggang May 1, ang Cebu LGUs ay nakakuha ng 3,700 50-kilo bag ng bigas.
Tinuran ng DA na patuloy ang NFA sa pagre-reposition ng stocks mula sa rice producing areas sa Visayas at mula sa Mindoro sa mga lugar na gaya ng Cebu na mayroong maliit na rice output.
Nauna rito, inatasan ni Pangulong Ferdinand Marcos Jr. ang DA na lumikha ng mga plano na magpapalawak sa nasabing food program hanggang 2028 at palawigin ito “as many financially-challenged Filipinos as possible.”
Sa ilalim ng P20-per-kilo program, “cheaper rice would be available through targeted mechanisms, particularly for vulnerable sectors such as senior citizens, solo parents, persons with disabilities, and beneficiaries of the government’s 4Ps (Pantawid Pamilyang Pilipino Program).”
“Each qualified household may purchase up to 30 kilos per month,” ang sinabi pa rin ng DA.
Samantala, nananatiling hinihintay ng DA ang klaripikasyon mula sa Commission on Elections (Comelec) kung ang programa ay ‘exempted’ mula sa May 2 hanggang 12 na pagbabawal sa distribusyon ng government aid sa panahon ng eleksyon.
Sinasabing, paunang plano ng DA na ikasa ang inisyatiba sa 16 na lokasyon sa iba’t ibang lugar sa Metro Manila.
Kabilang dito ang DA Central Office, Quezon Memorial Circle
Bureau of Plant Industry, Malate, Manila
Bureau of Animal Industry, Visayas Avenue, Quezon City
Plant Fiber Development Authority, Las Piñas
Bagong Sibol Market, Marikina City
Disiplina Village Phase 1, Valenzuela City
Food Terminal Inc., Taguig city
Barangay 183, Midway Park, Caloocan City
Philippine National Police headquarters, Camp Crame
Philippine Postal Corporation, Manila
PNP Eastern Police District, Pasig City
Pasay City Public Market, Libertad St.
Kamuning Public Market, Cubao
Mandaluyong Public Market I, Kalentong
Mandaluyong Public Market II, Fabella Rd., Brgy. Addition Hills
Bagong Silang Phase 9 Public Market, Caloocan City
“If Comelec disallows rice distribution during the restricted period, the DA plans to start selling the subsidized rates in earnest right after the midterm elections,” ang sinabi ng DA. Kris Jose
