MANILA, Philippines – Nasamsam ng mga awtoridad ang nasa 500 gramo ng hinihinalang shabu sa Batangas Port.
May estimated value ito na P3.4 milyon, na nakuha sa joint operation na isinagawa ng Philippine Drugs Enforcement Agency (PDEA)-Batangas Provincial Office, kasama ang Seaport Interdiction Unit at Philippine Coast Guard (PCG) noong Abril 10.
Sa pahayag nitong Sabado, sinabi ng PCG na ang operasyon ay nag-ugat sa sumbong ng isang PDEA agent.
Aniya, “a passenger of MV BB Coron is believed to be in possession of alleged illegal drugs. Said vessel is docked at Batangas Port bound for Abra de Ilog Port in Occidental Mindoro.”
Isinagawa ang imbestigasyon at K9 paneling kasama ang narcotics detection dogs na isinagawa ng PCG at PDEA-Batangas matapos matanggap ang sumbong.
“Both show positive indication on the red paper bag where the alleged illegal drugs was placed and aided with the use of substance analyzer indicating methamphethamine controlled substance,” saad sa pahayag.
Ang 36-anyos na babaeng suspek ay residente ng Naujan, Oriental Mindoro.
Nasa kustodiya na ito ng PDEA-Batangas Provincial Office kasama ng mga nasabat na hinihinalang shabu.
“Legal proceedings will follow for the violation of specific provisions of Republic Act 9165, also known as the Comprehensive Dangerous Drugs Act of 2002,” sinabi ng PCG. RNT/JGC
