DATU ODIN SINSUAT, Maguindanao Sur – Arestado ang isang umano’y high-value target sa isinagawang drug buy-bust operation na nakuhanan umano ng hinihinalang shabu na tinatayang nasa P6.8 milyon ang street value.
Sinabi ni Lt. Col. Esmael Madin, hepe ng municipal police station ng Sultan Kudarat, ang suspek na si Morsalon Tantong, 31, ay unang nakipagtransaksyon sa isang undercover agent para sa trade-off sa Barangay Simuay, Sultan Kudarat.
“Gayunpaman, inilipat ng suspek ang venue ng transaksyon sa Barangay Awang sa bayan ng Datu Odin Sinsuat alas-4 ng hapon (ng Martes, Hulyo 22),” sabi ni Madin sa isang panayam nitong Miyerkules.
Hindi naman nanlaban sa pag-aresto ang suspek na tubong Zamboanga del Sur.
“Nakumpiska namin ang high-grade na shabu mula sa suspek, na tumitimbang ng halos isang kilo,” ani Madin. “Nakatakas naman ang dalawa sa kanyang mga kasamahan.”
Kasalukuyang nakakulong sa Sultan Kudarat municipal lock-up, ang suspek ay nahaharap sa kasong paglabag sa Comprehensive Dangerous Drugs Act of 2002. RNT
