P6.8M shabu nasabat sa 2 suspek sa Cavite

MANILA, Philippines – Nasabat ng mga awtoridad ang nasa P6.8 milyong halaga ng shabu sa isinagawang buy-bust operation sa Cavite.

Nagresulta ito sa pagkakaaresto ng dalawang indibidwal.

Naganap ang operasyon nitong Sabado, Hunyo 14, 11:30 ng umaga sa parking lot ng isang mall sa Barangay Molino IV, Bacoor City, ayon sa pahayag ng PDEA.

“More or less 1000 grams of suspected shabu worth P6,800,000 and buy-bust money were confiscated by the operatives,” sinabi pa ng ahensya.

Kinilala ng PDEA ang mga suspek na sina “Jamal,” 19; at “Khalil,” 30, mga residente ng Quezon City.

Nahaharap ang mga suspek sa kasong paglabag sa Republic Act 9165 o Dangerous Drugs Act. RNT/JGC