MANILA, Philippines – Inaprubahan na ng Department of Budget and Management (DBM) ang P740.8-million na karagdagang replenishment para sa quick response funds (QRF) ng gobyerno na mahalaga para sa relief and recovery efforts kasunod ng kamakailan lamang na natural disasters na tumama sa bansa.
Sinabi ng DBM na ang P640.834 milyong piso ay ipinalabas sa Department of Social Welfare and Development (DSWD) at P100 milyong piso naman para sa Department of National Defense-Office of Civil Defense.
“President (Ferdinand) Bongbong Marcos’s order is clear that the government’s response should not be a one-time effort. Our support to agencies and LGUs will continue to help our countrymen return to normal life,” ang sinabi ni Budget Secretary Amenah Pangandaman.
Sinasabing, ang P640.834 milyong piso na QRF replenishment ay nakalaan para sa pagkuha ng Family Food Packs and Non-Food Items ng DSWD.
Gagamitin din ito sa Emergency Cash Transfer para sa 73,348 pamilyang apektado ng lindol sa Lungsod ng Cebu sa Region VII at Davao sa Region XI, at para sa mga residente na apektado ng southwest monsoon at tropical cyclones Mirasol, Nando, at Opong sa Bicol region.
Samantala, ang P100 million replenishment ng QRF ng OCD ay ilalaan para tugunan ang Maintenance and Other Operating Expenses ng ahensiya para suportahan ang disaster management operations hanggang sa pagtatapos ng taon. (KRIS JOSE)
