MANILA, Philippines – Nagpulong ang mga local chief executive at ang Palasyo, sa pangunguna ni Executive Secretary Ralph Recto, para plantsahin ang detalye sa pagpapatupad ng P82.3 bilyong pondo para sa local development projects ngayong taon.
Sa kalatas, sinabi ng Office of the Executive Secretary na si Recto ay nilahukan ng 29 provincial governors sa Malakanyang noong Pebrero 19 para pag-usapan ang rollout ng Local Government Support Fund (LGSF).
Kasama rin ang 16 city at municipal mayors at pitong representative ng mga gobernador.
Ang LGSF ay may alokasyon na P57.88 bilyon sa 2026 national budget.
Tinaasan ang pondo ng P37.4 bilyon kasunod ng utos ni Pangulong Ferdinand Marcos Jr. na makipag-ugnayan sa mga LGU sa project implementation upang maipahatid ang development programs sa mga tao nang napapanahon.
Susuportahan ng LGSF ang mga proyekto na tinukoy at ipinatupad ng mga LGU batay sa menu of programs na nakasaad sa 2026 General Appropriations Act.
Sakop ng mga inisyatibong ito ang livelihood, infrastructure, health, education at food security.
Ani Recto, ang LGSF ay maliit na bahagi lamang ng P1.393 trillion national tax share ng mga lungsod, probinsya, bayan at barangay para sa 2026.
Sa utos ng pagtataas sa LGSF allocation, “President Marcos believes that LGUs have the capacity, experience, and means to implement national projects,” sinabi ni Recto.
“The President has repeatedly said that LGUs should not be passive recipients of national projects but must be active implementers of the same,” aniya. RNT/JGC
