MANILA, Philippines – Mabilis na inaprubahan ng Senado nitong Huwebes ang panukalang P889 milyong budget ng Office of the Vice President (OVP) para sa piskal na taon 2026.
Sa plenary session, kumilos si Senate Deputy Majority Leader JV Ejercito na wakasan ang deliberasyon sa panukalang budget ng OVP sa wala pang limang minuto.
Inaprubahan ni Senate President Vicente “Tito” Sotto III ang mosyon matapos walang tumutol na senador.
Personal na nagtungo sa Senado si Vice President Sara Duterte para kumatawan sa kanyang opisina.
Nauna nang iminungkahi ng Senate committee on finance na itaas ang panukalang 2026 budget ng OVP, mula P733.198 milyon sa ilalim ng House-approved General Appropriations Bill (GAB) sa P889.236 milyon. CESAR MORALES
