MANILA, Philippines — Balak ng Department of Justice (DOJ) na i-apela ang pag-absuwelto sa dating kongresista ng Negros Oriental na si Arnolfo “Arnie” Teves Jr. sa kaso ng pagpatay noong 2019 sa dating board member at dating ahente ng NBI na si Michael Dungog.
Sinabi ni DOJ Acting Secretary Fredderick A. Vida na “We will study and evaluate and definitely we will explore all available remedies for the DOJ.”
Noong nakaraang Biyernes, Enero 16, kinumpirma ng DOJ na ang Manila Regional Trial Court (RTC) Branch 15 ay nagdesisyon na i-absuwelto si Teves at ang kanyang mga co-accused na sina Richard Cuadra at Rolando Pinili matapos igawad ang kanilang demurrer to evidence.
Ayon sa korte, “the prosecution’s evidence is legally insufficient to sustain a conviction even if left unrebutted,” at ang pagpilit sa mga akusado na magbigay ng ebidensya ay magiging paglabag sa presumption of innocence.
Sinabi rin ng DOJ na hindi pa maaaring palayain si Teves kahit na siya ay na-absuwelto dahil patuloy siyang nakakulong dahil sa iba pang mga kasong kriminal.
Kasama rito ang mga kasong murder na nakabinbin sa Manila RTC, kabilang ang mga kaugnay sa pagpaslang kay dating Gobernador Roel Degamo.
Haharapin din ni Teves ang mga kasong murder sa 2019 killings nina Lester Bato, bodyguard ng Basay mayoralty candidate na si Cliff Cordova, at Pacito Libron, na diumano ay hitman na konektado kay Teves.
Mayroon din siyang 10 counts of murder, 13 counts of frustrated murder, at apat na counts of attempted murder kaugnay ng March 4, 2024 shootings sa Pamplona, Negros Oriental na ikinamatay ni Degamo.
Ayon sa Konstitusyon, ang double jeopardy ay karaniwang pumipigil sa Estado na i-apela ang isang pag-absuwelto, ngunit maaari itong kuwestiyunin ang hatol sa mga batayan ng grave abuse of discretion, paglabag sa due process, o mistrial. RNT
