MANILA, Philippines – Inilabas ni Pangulong Ferdinand Marcos Jr., ang Executive Order (EO) No. 127, nagu-utos ng pagbalangkas sa national carbon market policy framework at itinalaga ang Department of Environment and Natural Resources (DENR) bilang national authority para sa carbon markets sa bansa.
Nilagdaan noong Oktubre 13, inaatasan ng kautusan ang DENR na i-draft ang Philippine Carbon Market Policy Framework, subject sa pag-apruba ng bagong nilikhang Inter-Agency Committee on Carbon Markets (IACCM), para magsilbing taga-pamahala sa magiging partisipasyon ng bansa sa international at voluntary carbon markets.
Saklaw ng magiging balangkas ang partisipasyon ng Pilipinas sa cooperative approaches sa ilalim ng Article 6 ng Paris Agreement at sa voluntary carbon markets, kabilang ang requirements para sa ‘carbon mitigation projects, safeguards, at benefit-sharing mechanisms.’
Dahil sa kautusan, itinatag ang IACCM upang tiyakin ang whole-of-government approach sa carbon market governance, na may Climate Change Commission (CCC) na magsisilbi bilang chairperson at ang Department of Finance (DOF) bilang vice-chairperson.
Ang DENR ang magsisilbi bilang committee member, kasama ang iba pang kinauukulang ahensiya ng obyerno, habang ang karagdagang departamento, institusyon at stakeholders ay maaaring imbitahan na magpartisipa bilang tagamasid, resource speakers, o technical advisers.
Sa ilalim ng kautusan, “the committee will oversee policy coordination, issue guidelines, assess the framework’s effectiveness, and recommend amendments to keep it aligned with national climate objectives and international developments.”
Ang IACCM ay magsisilbi rin bilang pangunahing forum para sa inter-agency consultation on carbon market rules at tutukuyin ang makatwirang bayad sa pagproseso para sa aplikasyon at sertipikasyon na may kinalaman sa carbon markets.
Bilang itinalagang national authority, pahihintulutan ng DENR o aaprubahan ang pagpaparehistro at implementasyon ng carbon mitigation projects at pangangasiwaan ang Philippine National Carbon Registry.
Ang registry naman ay magsisilbing centralized digital database para sa “tracking, recording, issuing, authorizing, transferring, canceling, at retiring carbon credits at internationally transferred mitigation outcomes (ITMOs).”
Inaatasan din ng kautusan ang DENR na magtatag ng mga tuntunin na mamamahala sa partisipasyon ng bansa sa voluntary carbon markets, kabilang ang “eligibility requirements, recognized carbon crediting standards, oversight, at reporting requirements.”
“Any policy involving fiscal and revenue-generating measures, carbon pricing, or a possible transition from voluntary to compliance carbon markets will require the DOF’s concurrence,” ayon sa kautusan.
“Other agencies will provide sector-specific inputs: the DENR will cover nature-based solutions, forestry, and waste management; the Department of Energy will handle the energy sector; the Department of Agriculture and the Philippine Statistics Authority will cover agriculture; and the Department of Transportation will address transport-related carbon credit projects,” ayon pa rin sa kautusan.
Ang DOF naman ang mangangasiwa ng mga bagay na may kinalaman sa fiscal policy, investment promotion, climate finance, at fiscal implications ng carbon market transactions. (KRIS JOSE)
