MANILA, Philippines – Suportado ni dating Eastern Samar Representative Ben Evardone ang panukala ni Executive Secretary Ralph Recto na dagdagan ng PhilHealth ang benepisyo ng mahigit 37 milyong “direct contributors” o mga nagbabayad na miyembro nito.
Gayundin ang hakbang na dagdagan ang saklaw ng PhilHealth para sa mga serbisyo sa mga ospital na pag-aari ng mga local government unit (LGU).
Sa isang pahayag, sinabi ni Evardone na dapat agad ipatupad ng PhilHealth at Department of Health ang dalawang programang ito.
Ayon kay Evardone, may basehan sa batas ang panukala ni Recto na dagdagan ang benepisyo ng mga nagbabayad na miyembro ng PhilHealth.
“The Universal Health Care Law (Republic Act No. 11223) allows it. The law mandates PhilHealth to grant more benefits to its direct contributors, who comprise 63.4 percent or majority of the state health insurer’s 58.7 million members (as of 2025),” paliwanag nito.
Giit pa nito na malinaw sa Section 9 ng RA No. 11223 na nagsasaagd na “PhilHealth shall provide additional program benefits for direct contributors, where applicable.”
Ayon kay Evardone, mahigit pitong taon matapos ipatupad ang batas noong Peb. 20, 2019, hindi pa rin naisasakatuparan ng PhilHealth ang probisyong ito.
“PhilHealth should now obey the law and do justice to its millions of paying members and their dependents,” giti nito.
Para naman sa mga non-paying beneficiaries, iminungkahi ni Evardone na dagdagan ang taunang subsidy ng gobyerno sa PhilHealth at dapat ding i-maximize ng ahensya ang kita nito mula sa mga investment.
Kaugnay naman ng panukalang dagdagan ang saklaw ng PhilHealth para sa mga ospital ng LGU, sinabi ni Evardone na kailangan ang ganitong tulong para mapanatiling gumagana at may sapat na pondo ang mga local health facility.
“Hospital services are draining so much funds of LGUs, which, as we all know, have to fund various programs, projects and activities, including infrastructure, education and helping poor residents,” ani Evardone.
“They need as much help as they can get from PhilHealth for the healthcare of their constituents,” pagtatapos pa nito. Gail Mendoza
