MANILA, Philippines – Dedesisyunan na ng Department of Justice ang ₱100 milyon na money laundering case laban kay dating Bamban, Tarlac mayor Alice L. Guo.
Nabatid na tinapos na ng DOJ panel of prosecutors ang pagdinig at submitted for resolution na ang 87 bilang ng money laundering case laban kay Guo at sa 35 co-respondents.
Si Guo at kapwa nito respondents ay kinasuhan ng paglabag sa Republic Act No. 9160 o Anti-Money Laundering Act of 2001 kaugnay sa ₱100 million na maanomalyang transaksyon ng Philippine Offshore Gaming Operator (POGO) sa Zun Yuan Technology, Inc. Sa Bamban.
Ayon sa head ng panel na si DOJ Senior Assistant State Prosecutor Charlie Guhit, nakapagsumite si Guo, ang kapatid nito na si Shiela, si Cassandra Li Ong at iba pa ng kanilang mga counter-affidavits ngayong araw (Nov. 8).
Tiniyak ni Guhit na agad nilang ilalabas ang desisyun sa kaso.
Sa huling preliminary investigation sa kaso, dumalo ang karamihan sa mga respondent upang isumite ang kanilang counter-affidavits kabilang sina Ong a Shiela Guo.
Dumating din ang ilan sa mga Chinese respondent kabilang ang legal counsels mula sa Public Attorney’s Office (PAO).
Nagdesisyun ang mga chinese respondents na hindi na maghain ng counter-affidavits at ipinauubaya na lamang sa DOJ ang desisyon.
Samantala, hindi rin nagsumite ng counter-affidavit si dating Technology Resource Center (TRC) director general Dennis L. Cunanan.
Sinabi ni Guhit na reresolbahin nito ang kaso laban kina Guo batay sa mga ebidensya at mga supporting evidence. Teresa Tavares
