MANILA, Philippines – Depresyon ang umanoy naging motibo kung saan tumalon mula sa ika-apat na palapag ng eskuwelahan at nagpakamatay ang isang babaeng estudyante sa Brgy Pinagtipunan Gen Trias City, Cavite.
Ayon sa nakalap na report, hindi naman binanggit sa ulat kung ilan taon at kung anong grado ang babaeng estudyante ng Gov. Ferrer Memorial National High School (GFMNHS) na hindi na umabot ng buhay matapos isugod sa Gen. Trias Medicare Hospital..
Lumabas sa ulat, bago ang insidente ay umakyat ang biktima sa ika-apat na palapag ng nasabing eskuwelahan ang biktima at naglakad sa hallway.
Nabatid na bandang ala-1:03 kamakalawa ng hapon nang mangyari ang krimen kung saan umakyat sa bakal na bakod ang biktima saka tumalon at bumagsak ang katawan nito sa kongretong lupa.
Naisugod pa ang biktima sa ospital subalit idineklarang dead on arrival.
Batay sa ginawang imbestigasyon ng pulisya, dumaranas umano ng depresyon ang biktima bagama’t hindi na ito idinetalye. Margie Bautista
