MANILA, Philippines – Nangako si Senator-elect Erwin Tulfo ng pagkakaisa at hindi pagkakahati-hati ng bansa, matapos na iproklama bilang senador nitong Sabado, Mayo 17.
Si Tulfo ang ikaapat sa may pinakamataas na nakuhang boto sa pagka-senador sa 17,118,881 boto.
“As your newly elected senator, I commit to being a bridge, not a barrier. I will work with leaders from all parties, listen to voices from all sectors, and prioritize laws and programs that will unite rather than further divide this nation,” ani Tulfo.
“If we fail to unite now, we will not be able to achieve what our leaders from the past to the present have been working on: to uplift the life of every Filipino citizen,” dagdag pa niya.
Si Tulfo ay tumakbo sa ilalim ng Alyansa Para sa Bagong Pilipinas ni Pangulong Ferdinand Marcos Jr.
Sa oras na maupo sa Hunyo 30, makakasama na niya ang kapatid na si Senador Raffy Tulfo. RNT/JGC
