Home NATIONWIDE Pagkakasamsam ng $587M droga sa ilalim ng Marcos admin ibinida ni Abalos

Pagkakasamsam ng $587M droga sa ilalim ng Marcos admin ibinida ni Abalos

ANILA, Philippines- Halos US$587 milyong halaga ng ilegal na droga ang nabat sa unang dalawang taon ng administrasyong Marcos, ayon kay Interior and Local Government Secretary Benhur Abalos.

Inihayag ito ni Abalos sa pagbubukas ng 33rd Session of the United Nations Commission on Crime Prevention and Criminal Justice (CCPCJ33) sa Vienna, Austria noong May 13.

Ani Abalos, ang halaga—halos P33.9 bilyon base sa exchange rate nitong Martes—ay mas mataas ng 700% mula sa mga nakaraang taon, at sinabing nakamit ito “with minimal loss of life.”

“It has likewise acknowledged the importance of demand reduction by implementing the value of life, avoid drugs [through the] BIDA (Buhay Ingatan, Droga’y Ayawan) Project,” wika ni Abalos.

Aniya, dahil sa proyekto, nakita sa Pilipinas ang pagbaba ng drug-related cases sa pagpapahalaga ng pamahalaan sa holistic crime prevention approaches na nakaugat sa pakikibahagi ng komunidad.

Target ng Marcos administration na paghusayin ang criminal justice system at crime prevention strategies sa Pilipinas, base kay Abalos, upang umiral ang kapayapaan at kaayusan sa pamamagitan ng international cooperation.

Samantala, sinabi ni Abalos na patuloy na naninindigan ang gobyerno ng Pilipinas laban sa terorismo.

Iginiit ng opisyal ang panawagan ng bansa para sa global cooperation pagdating sa pagtugon sa terorismo.

“We recognize the urgent need for a robust international response to effectively address the challenge,” apela niya.

“We believe that comprehensive and enhanced collaborative approaches and efforts are needed to disrupt terrorist financial networks, recruitment, and movement,” dagdag ni Abalos. RNT/SA