MANILA, Philippines — Humiling si Ombudsman Jesus Crispin Remulla sa National Bureau of Investigation (NBI) na imbestigahan ang mga post sa social media na nag-uulat na siya ay naospital, at maaaring ito ay naglalaman ng cyberlibel.
“Pinapaimbestigahan ko yan. Why? Oo, pinapaimbestigahan ko ‘yan kasi we’ve reached the limit of cyberlibel already. Kaya tignan natin kung saan pupunta,” ani Remulla.
Tiniyak niya sa publiko ang kanyang kalusugan: “I work out everyday. I sleep early, I wake up early.”
Ipinunto rin ni Remulla na ang mga post ay bahagi ng propaganda, “There’s really an orchestrated campaign. I don’t know for what purpose pero tingin ko, it’s part of the propaganda machine of some political parties.” RNT
