MANILA, Philippines- Humigit-kumulang 30 Overseas Filipino Workers (OFWs) ang pumunta sa headquarters ng Department of Migrant Workers (DMW) sa EDSA-Ortigas upang ipahayag ang pagkadismaya sa mabagal na proseso para sa pagbabayad ng kanilang claim mula sa mga Saudi firms, gayundin ang kawalan ng impormasyon sa estado ng ilang claims.
Sa ngayon, humigit-kumulang 1,500 tseke ang naibigay ng gobyerno ng Saudi ayon sa DMW. Gayunpaman, mayroong 10,554 na claimants sa listahan ng DMW. Ito ang mga OFW na pinauwi noong 2016 matapos ang ilang Saudi mega construction companies ay dumanas ng financial collapse noong nakaraang taon.
Lahat ng nagtungo sa DMW ay bahagi ng listahan ng ahensya pero karamihan ay nare-reject. Ang iba ay nawawalan ng tiyaga matapos ang walong taong paghihintay.
Samantala, ang ibang Saudi claimant ay namatay na.
Nakipagpulong na rin si DMW Assistant Secretary Jerome Alcantara sa mga dating manggagawa ng Saudi at kanilang mga pamilya upang matiyak na ang ahensya ay nasa ibabaw ng lahat ng mga isyu.
Umapela rin si Cacdac para sa kaunting pasensya mula sa mga claimant dahil ang Saudi ay nangako na ilalabas ang ikalawang batch ng mga tseke sa lalong madaling panahon. Jocelyn Tabangcura-Domenden
