Home NATIONWIDE Paglalabas ng P30B pensyon ng military uniformed personnel sa Q1 2025 aprub...

Paglalabas ng P30B pensyon ng military uniformed personnel sa Q1 2025 aprub sa DBM

MANILA, Philippines – Bilang tugon sa direktiba ni Pangulong Ferdinand Marcos Jr. ay inaprubahan ni Budget Secretary Amenah “Mina” Pangandaman ang paglalabas ng P30.409 bilyong badyet na sasakop sa regular pension requirements of military at uniformed personnel (MUP) para sa unang quarter ng 2025.

“For many MUP retirees and their families, pensions are a lifeline that ensure their daily needs are met, katulad po ng pambili ng gamot o pagkain. Naiintindihan po natin, lalo na po ni Pangulong BBM, kung gaano kahalaga na matanggap po ng ating mga pensioner ang benepisyo nila kaya agad-agad rin po, matapos makumpleto ang mga kailangang dokumento, pinirmahan po natin ang pagpapalabas ng budget sa mga concerned agencies,” pahayag ni Secretary Mina.

Ang P30.409 billion fund ay kukunin sa Pension and Gratuity Fund (PGF) sa ilalim ng Republic Act (RA) No. 12116 o ng FY 2025 General Appropriations Act (GAA).

Nasa kabuuang P16.752 bilyon ang inilabas para sa Armed Forces of the Philippines – General Headquarters-Proper at Philippine Veterans Affairs Office sa ilalim ng Department of National Defense (DND).

Samantala, kabuuang P13.297 bilyon ang inilabas sa attached agencies ng Department of Interior and Local Government (DILG), katuald ng Philippine National Police, Bureau of Fire Protection, Bureau of Jail Management and Penology, at National Police Commission.

Para sa 34 pensioners sa ilalim ng National Mapping and Resource Information Authority (NAMRIA) ng Department of Environment and Natural Resources (DENR), inilabas ng DBM ang kabuuang P8.530 milyon.

Panghuli, ang funding requirements para sa pagbibigay ng pension ng 2,836 retired uniformed personnel ng Department of Transportation (DOTr)-Philippine Coast Guard (PCG) para sa kaparehong period amounts na P350.680 milyon.

Ang releasr ay batay sa actual pension payroll na ipinasa sa above-mentioned MUP agencies hanggang nitong Disyembre 31, 2024. RNT/JGC