MANILA, Philippines – Pinuri ni Senator Panfilo “Ping” Lacson nitong Martes ang hakbang ni Pangulong Ferdinand Marcos Jr. na lumikha ng isang independiyenteng komisyon para imbestigahan ang mga maanomalyang proyektong pang-imprastraktura na ipinatupad ng Department of Public Works and Highways (DPWH) sa nakalipas na tatlong taon ng kanyang administrasyon.
“Good move on the part of the president….” ani Lacson. “I was informed that Mayor Benjamin Magalong will be part of that body, and that’s even better.”
Isinaad din niya ang kahandaang tumulong sa nasabing independent commission, “in my capacity and with all the information we have so far gathered.”
“I will extend whatever assistance I can offer, if requested, especially so that the Department of Public Works and Highways (DPWH) has a dynamic, progressive-minded, and reform-oriented head in the person of Sec. Vince Dizon,” dagdag ni Lacson.
Nauna nang inamin ni Marcos na wala pang istraktura, at maging ang bilang ng mga miyembro na bubuo sa independent commission ay hindi pa natatapos.
Ngunit, may mga nabanggit nang isasama dito; maliban kay Magalong, kasama sina dating DPWH Secretary Rogelio Singson at dating PNP chief General Nicolas Torre III.
Ayon kay Marcos ay mangangailangan din ng forensic investigators, lawyers, justices, at prosecutors, upang sumuri sa mga ebidensya at impormasyong makukuha sa imbestigasyon.
“They will put together that information and make the recommendation to either Department of Justice or the Office of the Ombudsman, depending on who is found to be liable for some of these nefarious activities,” dagdag niya. RNT/MND
