MANILA, Philippines- Nanawagan ang Japan na pagaanin ang tensyon sa gitna ng askyon ng Tsina sa South China Sea kabilang rito ang mga bahagi ng exclusive economic zone (EEZ) ng Pilipinas.
Ipinahayag ito ni Japanese Foreign Minister Takeshi Iwaya sa pagpupulong kasama ang mga Filipino counterpart, Enrique Manalo, sa Maynila.
“Actions that escalate tensions in the South China Sea are a genuine concern for the international community because they are directly connected to regional peace and stability. Japan firmly opposes any efforts to unilaterally alter the status quo through force or to escalate tensions in the area, and we earnestly call for the reduction of tensions,” ang sinabi ni Iwaya.
Sa nagpapatuloy na sitwasyon sa South China Sea, nangako si Iwaya na mas paiigtingin ang partnership sa pagitan ng Japan at Pilipinas.
Tiniyak ni Iwaya na patuloy na susuportahan ng Japan ang Pilipinas na palakasin ang ‘maritime security at maritime safety capabilites.’
Inulit naman ni Manalo ang matatag na commitment ng dalawang bansa para panindigan ang rule of law at isang rules-based framework sa South China Sea.
Binigyang-diin nito ang pangangailangan na sumunod sa international law, partikular na sa 1982 United Nations Convention on the Law of the Sea (UNCLOS), at hangad na makatrabaho at makipagtulungan sa ibang ‘like-minded countries.’
Binigyang pagpapahalaga ng Japan ang mapayapang pagsisikap ng Pilipinas para igiit ang karapatan nito, nakabalangkas sa 2016 Arbitral Ruling, na pinawalang-halaga ang pag-angkin ng Tsina base sa “nine-dash line.”
“Japan deeply values the stance of the Government of the Philippines for consistently adhering to the Arbitral Tribunal ruling regarding the dispute with China and for pursuing a peaceful resolution to this dilemma,” ang sinabi ni Iwaya.
Samantala, ipagpapatuloy naman ng Senior Philippine at Chinese diplomat ang pag-uusap sa southeastern city ng Tsina sa Xiamen, araw ng Huwebes bilang bahagi ng kanilang Bilateral Consultation Mechanism.
“We don’t want to prejudge what the events or outcome will be, but what I can say is that they will, of course, be discussing the situation in the region, in the South China Sea and the West Philippine Sea, including the recent developments,” ayon kay Manalo.
Tatayong kinatawan ng Pilipinas ang deputy ni Manalo na si Foreign Affairs Undersecretary for Policy Ma. Theresa Lazaro.
Kapwa tatalakayin ng magkabilang panig ang masalimuot na territorial issues na may kinalaman sa West Philippine Sea at South China Sea makaraan na ang pinakamalaking Chinese Coast Guard vessel, tinawag na ‘monster ship’ ay namataan sa Philippine-claimed Scarborough Shoal (Bajo de Masinloc) at naglayag malapit sa northwestern coast ng Zambales.
Kagyat namang naghain ng protesta ang Maynila, hiniling sa Tsina na alisin agad ang nasabing barko.
Samantala, sinabi ni Iwaya na dapat na ipagpatuloy na palakasin ng Japan at Pilipinas ang alyansa nito sa ibang like-minded nations, kabilang na sa Estados Unidos, kung saan sa ilalim ng administrasyon ni outgoing President Joe Biden, na hangad ang ‘closer ties’ sa Tokyo at Maynila sa pamamagitan ng isang “trilateral partnership.”
Tinawag naman nito ang trilateral cooperation ng tatlong bansa bilang “highly important framework” sa “realizing a free and open Indo-Pacific based on rule of law” at mahalaga sa “maritime security, response to economic coercion, building resilient critical infrastructure and cyberspace.”
“Issue over the South China Sea is a legitimate concern for the international community because it directly links to the regional peace and stability,” aniya pa rin.
Si Iwaya, tatayong kinatawan ng Japan sa inagurasyon ni US President-elect Donald Trump sa susunod na linggo, nagpahayag ng kanyang intensyon na banggitin sa mga opisyal ng Estados Unidos ang mahalagang papel ng Amerika sa rehiyon.
Sinabi ni Iwaya na: “With its strategic location and as an emerging world growth center, a “constructive commitment” by the US in Southeast Asia is important for peace and stability.”
“This region is important also for the US itself,” aniya pa rn sabay sabing kapuwa nagkasundo ang Maynila at Tokyo na “maintain good communication with the next US administration and strengthen the momentum of our trilateral cooperation.”
Tinuran ni Manalo na ang Japan at Pilipinas ay committed na isulong ang trilateral partnership kasama ang Estados Unidos.
Sinabi nito na muling pinagtibay ito sa video conference call nina President Biden, Pangulong Marcos at Prime Minister Shigeru Ishiba nito lamang unang bahagi ng linggo.
“This is an issue that we will continue to discuss with the US,” ang sinabi ni Manalo.
“Our strategic partnership with Japan plays an important role in our efforts to enhance our national security as well as regional peace and stability,” ayon kay Manalo sabay sabing, “We agreed to work together to enhance resilience and enhance adaptive capacity of our nations in this evolving geopolitical landscape in the Indo-Pacific region.” Kris Jose