MANILA, Philippines – Kinumpirma ng Anti-Organized Crime Commission (PAOCC) at Department of Justice (DOJ) na nadakip na si dismissed Bamban, Tarlac Mayor Alice Guo.
Iniulat ni Justice Assistant Secretary Mico Clavano na nahuli si Guo o Guo Hua Ping ng Indonesian immigration officials sa Tangerang City, Jakarta, Indonesia nitong Setyembre 3 ng 11:58 p.m. batay sa nakuhang impormasyon mula sa Indonesian police.
Nananatiling na sa kustodiya ng Indonesian Police sa Jatanras Mabes Polri si Guo.
Sinabi naman ni PAOCC spokesperson Winston Casio na nakikipag-ugnayan na si Immigration Commissioner Norman Tansingco sa Indonesia para sa agarang pagbabalik ni Guo sa Pilipinas.
Nahaharap si Guo sa patong-patong na kaso kabilang ang human trafficking na non-bailable. Teresa Tavares
