MANILA, Philippines- Inilabas na ng Judicial and Bar Council (JBC) ang listahan ng mga aspirante para sa posisyon bilang Supreme Court Associate kapalit ni Justice Mario Lopez.
Si Lopez ay nakatakdang magretiro sa June 4, 2025.
Kabilang sa mga aspirante ay sina Court of Appeals Presiding Justice Fernanda Lampas Peralta, University of the Philippines College of Law Dean Darlene Marie Berberabe at Supreme Court Administrator Raul Villanueva.
Pasok din sa mga aplikante si Atty. Darlene Marie Berberabe na Women of Power 2025 awardee at Ambassador Manuel Antonio Teehankee.
Itinakda ang panayam sa mga aplikante mula Mayo 14 hanggang 21, 2025.
Hinihikayat ng JBC ang publiko na makilahok sa pagpili ng magiging bagong Supreme Court justice sa pamamagitan ng paglalaan ng anumang impormasyon na nalalaman tungkol sa mga nabanggit na aspirante.
“We welcome your thoughts, concerns, or comments about the applicants for Associate Justice of the Supreme Court,” anang JBC. Teresa Tavares
