MANILA, Philippines – Naghain ng panukala si Senador Sherwin Gatchalian na layong magtatag ng isang Agriculture Information System (AIS) sa lahat ng probinsya, lungsod at munisipalidad sa bansa.
Si Gatchalian ang may-akda ng Senate Bill 1653, na nagsabing ang AIS “would provide real-time insights on crop yields, market demand, and other important farm data to help empower farmers to optimize harvests and help prevent price increases caused by inefficiency.”
Kokolektahin at ia-upload ang impormasyon tungkol sa demand ng isang agricultural at fishery goods bilang production data mula sa mga magsasaka sa bawat barangay.
“The AIS shall merge and synchronize agricultural data from different sources into a cohesive database designed to facilitate linkages from place of origin or the farm to local, and ultimately, global markets.”
Itinatakda sa naturang panukala na ang AIS ay pangasiwaan ng Department of Agriculture (DA).
Bilang dagdag sa pagpapatakbo ng AIS, tinutukoy din sa panukalang batas na ang DA ay dapat maglaan ng pondo na magkokonekta sa AIS sa iba pang information systems, at sinisiguro na ito ay maipatutupad nang mabuti kasama ang verification processes at information protections, at makipagtulungan sa iba pang ahensya ng pamahalaan upang lumikha ng market connections lokal man o international. RNT/JGC
