MANILA, Philippines – Pinangunahan ng Korte Suprema ang isang internasyonal na pagtitipon ng mga miyembro ng hudikatura at mga eksperto na humarap sa mga isyu upang palakasin ang kapasidad ng judiciary, itaguyod ang pagkakaparepareho sa mga desisyon ng korte at tugunan ang mga umuusbong na hamon sa intellectal property (IP) law.
Sa pamamagitan ni Associate Justice Japar B. Dimaampao, sinabi ng SC na ang kamakailang pagtitipon na pinangunahan ng Philippine Judicial Academy (PhilJA) ay isang beacon ng kooperasyon at pag-unlad.
Sinabi ni Justice Dimaampao, vice chairperson ng sub-committee ng SC sa mga commercial court na ang epektibong paghatol sa mga kaso ng intellectial property ay isang mahalagang pananggalang para sa mga innovator at tagalikha kung saan binabantayan ng Konstitutosyon.
Muli niyang pinagtibay ang pangako ng SC sa ilalim ng Strategic Plan for Judicial Innovations 2022-2027 (SPJI) para palakasin ang IP legal framework.
“A judiciary that functions like a well-oiled machine serves as a bulwark for the rights of innovators, creators, and inventors, which is essential for maintaining public trust in our institutions for intellectual property,” sabi ni Dimaampao. Jocelyn Tabangcura-Domenden
