MANILA, Philippines – Muling ipinanawagan ng Bangko Sentral ng Pilipinas (BSP) nitong Lunes, Disyembre 22 ang pagbibigay ng digital o electronic money ng publiko bilang cash gift sa pagdiriwang sa Kapaskuhan.
Sa abiso, ipinaalala ng BSP ang panawagan nito mula pa noong mga nakaraang taon na ipadala ang tradisyunal na aguinaldo sa pamamagitan ng digital platforms.
“The BSP also encourages the public to use digital or e-money as cash gifts to their godchildren, family, and friends. Using e-wallets and online banking offers a safer and more convenient way to send cash gifts during the Christmas season,” saad sa abiso ng BSP.
Sa kabila nito, patuloy namang maglalabas ang BSP ng mga bagong banknotes at coins at siniguro ang sapat na suplay nito sa mga bangko sa buong bansa.
“The BSP continues to produce fresh banknotes and coins to make these available in banks in anticipation of the expected surge in currency demand during the Yuletide season,” dagdag pa.
Samantala, nagpaalala rin ang BSP sa publiko na ang pagpapapalit ng unfit banknotes sa pamamagitan ng mga bangko ay libre.
“The public is encouraged to transact with BSP-authorized banks for currency exchange to avoid ‘service fees’ imposed by individuals or other parties,” ayon sa BSP. RNT/JGC
