MANILA, Philippines – Isang 22-anyos na driver ng ride-hailing app ang inaresto matapos umanong pagnakawan at molestiyahin ang kanyang pasaherong babae sa Barangay Mambaling, Cebu City noong madaling araw ng Marso 12.
Ang suspek, isang second-year electrical technology student, ay huminto sa South Road Properties, kunwari upang umihi, bago tinutukan ang biktima ng screwdriver at nagdeklara ng holdap.
Kinuha niya ang iPhone 11 ng biktima na nagkakahalaga ng P20,000 at P2,500 na cash bago dinala sa isang madilim na lugar kung saan siya minolestiya.
Matapos ang insidente, iniwan ng suspek ang biktima sa Barangay San Roque.
Nakunan niya ng litrato ang plaka ng motorsiklo habang nasa isang gasolinahan.
Agad siyang humingi ng tulong sa pulisya ng Mambaling, na nagresulta sa pagkakaaresto ng suspek sa Balamban gamit ang GPS tracking.
Nabawi ang cellphone ng biktima, ngunit inamin ng suspek na nagastos na niya ang pera, aniya’y pambayad sa matrikula. RNT
