Pamilyang natutulog nilamon ng apoy

Bulacan – Patay ang mag-asawa at kanilang dalawang anak na mahimbing na natutulog matapos lamunin ng apoy ang kanilang timutuluyang bahay sa bayan ng Sta. Maria.

Sa report ng pulisya, kinilala ang kalunos-lunos na biktimang padre de pamilya na si Roy Lozano, 39; Marie, 39, maybahay at dalawang anak na batang lalaki, residente ng Brgy. Caypombo.

Ayon sa report, naganap ang insidente bandang alas-3 ng madaling araw nitong Martes, Agosto 8 sa isang subdibisyon sa naturang lugar.

Base sa Facebook post na nagviral tungkol dito, biglang laki ang apoy sa ibaba ng bahay kaya mabilis nitong nilamon ang tirahan.

Dahil dito, walang nagawa ang mga kapitbahay na nais tumulong hanggang tuluyang masunog ang pamilyang natutulog sa itaas ng bahay.

Sinasabing walang fire exit ang bahay at short circuit sa kuryente umano ang tinuturong dahilan ng sunog.

Patuloy ang isinasagawang imbestigasyon ng mga awtoridad habang dumagsa naman ang komento ng mga naawang netizen para sa kanilang pakkiramay. Dick Mirasol III