OCCIDENTAL MINDORO, Philippines – Nanawagan ang Philippine Army 2nd Infantry Division (2ID) nitong Miyerkules sa New People’s Army (NPA) na agad palayain ang Filipino-American na si Cristina Pasion na pinaniniwalaang nasa kamay ng grupo sa Occidental Mindoro.
Ayon kay Col. Michael Aquino ng 2ID Public Affairs Office, ginawa ang panawagan matapos makarekober ang mga sundalo ng mga sulat-kamay na pinaniniwalaang isinulat ni Pasion na nagpapakita ng senyales ng emosyonal na paghihirap.
“The writings, believed to have been authored by her, raise serious concerns about her well-being, and we hope that those currently with her will recognize that no cause should come at the cost of a person’s life and mental health,” ani Aquino.
Dagdag niya, ang apela ay nakabatay sa humanitarian concern.
“If she wishes to leave the armed movement and return home, she should be allowed to do so. Everyone deserves the opportunity to step away from conflict and rebuild their life,” aniya.
Hinimok din ng 2ID ang mga natitirang miyembro ng armadong grupo na sumuko at iwanan ang karahasan.
“The 2nd Infantry Division reiterates its call for the few remaining NPA members to lay down their arms and surrender to the fold of the law, where they can rebuild their lives anew with their families,” dagdag pa niya.
Ayon sa ulat, narekober ang mga sulat matapos ang engkwentro noong Marso 29 sa Barangay Monteclaro, San Jose, Occidental Mindoro kung saan napatay si Army officer Capt. Dean Buen Oyando at dalawang sundalo ang nasugatan.
May mga diary-style entries umano na natagpuan, kabilang ang mga pahayag na nagpapakita ng matinding emosyonal na stress.
Isa sa mga nakasulat: “I feel like everyone is playing mind games. There is this urge to leave everything behind and start from scratch. Begin with a clean slate. No more complicated bull****.”
Isa pa: “Everything is time sensitive. Please f****** kill me right now.”
Ayon sa 2ID, nagpapakita ang tono ng mga sulat ng posibleng matinding emotional strain ng may-akda habang nasa piling ng armadong grupo.
May impormasyon ding si Pasion, na iniulat na miyembro ng Migrante International, ay kasama si Filipino-American Chantal Anicoche bago sila magtungo sa Mindoro.
Batay sa ulat, inaasahang babalik sana si Pasion sa Estados Unidos noong Marso 14 ngunit hindi siya sumipot sa kanyang flight. RNT/MND
