Panawagan ng pagsusuot ng facemask sa Traslacion, ‘di na nasunod

MANILA, Philippines – Hindi na nasunod ng mga deboto ang pakiusap ng pamunuan ng Minor Basilica ng Black Nazarene at pamahalaang lokal ng Maynila ang panawagan na magsuot ng facemasks para na rin sa kanilang proteksyon laban sa Covid-19.

Ito ay dahil na rin sa pagbuhos ng mga tao na nais makasama sa prusisyon na mula pa sa ibat-ibang lugar.

Bagamat una nang sinabi ng pamahalaang lokal na magbibigay ng facemask sa mga deboto, tila hindi na rin kinaya dahil tulad ng inaasahan ay biglaang buhos ang mga tao mula sa ibat-ibang direksyon.

Maging mga nagsisimba sa labas ng Quiapo Church ay may mangilan-ngilan lamang ang nakasuot ng facemasks ngunit ang mga pumapasok sa loob ay mayroon din namang naka masks.

Ang pakiusap ng Simbahan ng Quiapo ay Manila LGU gayundin ang iba pang komite ng Traslacion 2024 upang maiwasan ang posibleng pagsirit ng kaso ng Covid -19. (Jocelyn Tabangcura-Domenden)