Pangilinan umaasa na magiging SB19 Senate majority

MANILA, Philippines – Umaasa si Senador Francis “Kiko” Pangilinan na mas marami pang senador ang sasapi sa 14-member Senate majority.

Sa panayam sa radyo, tinanong si Pangilinan kung marami pang lilipat na senador sa mayorya kasunod ng paglipat ni Senador Mark Villar.

Ani Pangilinan, “Well, I hope so.”

Ang Senate minority na pinangungunahan ni Senador Alan Peter Cayetano ay mayroon na lamang 10 miyembro.

Idinagdag pa ni Pangilinan na “the real SB is SB19,” kung saan inihalintulad ang pangalan ng p-pop group sa “solid bloc” ng Senado.

“We’ll see if it actually turns into SB19 — you know?”

Hindi naman inaalis ni Pangilinan ang posibilidad na sumali na rin si Senador Loren Legarda sa majority.

Aniya, si Legarda ay minsang naging bahagi ng orihinal na “solid bloc.”

“They’re the original five, right? That’s where she really came from. So, we’ll see,” sinabi pa ni Pangilinan.

Si Legarda ay nananatiling naka-medical leave matapos maghain ng extension sa kanyang leave dahil sa “serious” lung-related illness. RNT/JGC