MANILA, Philippines – Nananatiling mataas ang baha sa ilang pangunahing kalsada sa lungsod ng Maynila.
Halos hanggang tuhod ang baha partikular sa bahagi ng Taft Avenue, mula Vito Cruz hanggang makarating ng Lawton.
Kapareho rin ang sitwasyon sa Morayta hanggang sa kahabaan ng España Blvd., kaya’t walang masyadong pampublikong sasakyan ang bumibiyahe.
Tuloy naman ang biyahe ng LRT-1.
Kaugnay nito, nag-iikot at patuloy na nakamonitor ang Manila Disaster Risk Reduction and Management Office (MDRRMO) sa sitwasyon at patuloy silang nakikipag-ugnayan sa mga barangay at ibang institusyon.
