Ipinagpatuloy ng Senate Justice and Human Rights Subcommittee na pinamumunuan ni Deputy Minority Leader Sen. Risa Hontiveros ang kanilang imbestigasyon sa iba't ibang isyu kaugnay ng pagtakas ng tinanggal na alkalde ng Bamban, Tarlac na si Alice Guo, mga anomalya na kinasasangkutan ang Bureau of Immigration (BI) at Philippine Offshore Gaming Operators (POGOs), mga alalahanin tungkol sa espionage, at ang patuloy na problema ng human trafficking patungo sa mga scam compounds. Cesar Morales
MANILA, Philippines – Matinding pinalagan ni Senador Risa Hontiveros ang panibagong pagkakaantala impeachment trial ni Vice President Sara Duterte na nahaharap sa pitong Articles of Impeachment kabilang ang paglulustay ng pondo ng bayan.
Sa pahayag, sinabi ni Hontiveros na lubhang nakababahala ang paulit-ulit na pagkakaantala sa impeachment trial na dapat nagsimula nang matagal sa pagsumite ng Articles of Impeachment sa Senado.
“Nakakabahala na ang paulit-ulit na antala sa proseso ng impeachment trial. Buwan na ang binibilang natin. Sobra-sobra na ang paghihintay ng mga Pilipino. Let us all hope this is the last delay,” ayon kay Hontiveros.
Sinabi ni Hontiveros na buo ang kanyang Suporta sa kasamahan na maipasa ang ilang mahahalagang panukalang batas tulad ng Anti-POGO Bill pero kailangan din na tuparin ang Senado ang obligasyon nito sa Saligang Batas.
“While I support my colleagues in our shared sense of urgency in passing important legislation in the last days of the 19th Congress, including the landmark Anti-POGO bill, we cannot postpone our constitutional obligations any longer,” ayon kay Hontiveros.
“Any further delays in commencing the trial against Vice President Duterte would violate the Constitution, which clearly states that the Senate “shall forthwith proceed” with an impeachment trial. Hindi “kapag ready na,” hindi “kapag convenient,” kundi “shall forthwith proceed”. Huwag naman sana yang balewalain,”giit ng senadora.
Aniya, nauna nang nagdesisyon ang Supreme Court na nagiging continuing body ang Senado sa lahat ng non-legislative functions nito tulad ng pagigiging Impeachment Court.
“The Supreme Court has also previously ruled that the Senate is treated as a continuing body when it comes to non-legislative functions, and those include the vital duty to sit as an impeachment court,” ayon kay Hontiveros.
“We owe it to the Filipino people to convene as an impeachment court and begin the proceedings at the soonest possible time. Anuman ang akusasyon laban kay Vice President Duterte, karapatan ng taumbayan na malaman at mahimay ang mga ito sa pamamagitan ng isang transparent na impeachment trial,” giit niya.
“Dapat harapin na ng Senado ang lahat ng ito sa lalong madaling panahon,” dagdag pa ni Hontiveros. Ernie Reyes
