ZAMBOANGA CITY- HULI ang pulis kanyang misis na kasapi ng Philippine Coast Guard sa isinagawang drug buy bust operation ng mga awtoridad, iniulat kahapon sa lungsod na ito.
Kinilala ni Brig. Gen. Bowenn Joey Masauding, director Police Regional Office-9, ang mga suspek na sina Police Staff Sergeant Siddhi Lajahasan Alliudin, Jr., misis nitong si Mardie Abbas Alliudin at PCG member na si Muhammad Sallie Lito Abbas.
Sa pinagsamang operasyon ng Regional Drug Enforcement Unit-PRO-9 at Zamboanga City Police Office, hapon noong Miyerkules, nadakip ang mga suspek sa Zone 6 Barangay Boalan, ng naturang lungsod.
Nakuha sa mga suspek ang dalawang kilong shabu na aabot sa halagang P13.6M.
Nahaharap ngayon sa kasong paglabag sa Comprehensive Dangerous Drugs Act of 2002 ang mga suspek./Mary Anne Sapico
