MANILA, Philippines- Inanunsyo ng Catholic Bishops’ Conference of the Philippines (CBCP) noong Sabado, Abril 20, na itinalaga si Auxiliary bishop-elect Reynaldo Bersabal bilang ika-limang Pilipinong obispo sa United States (US).
Kasalukuyang naglilingkod bilang pastor ng Saint Francis of Assisi Parish sa kabiserang lungsod ng California mula noong 2022, ang 59-taong-gulang na obispo ay may kilalang background sa loob ng simbahan.
Ayon sa CBCP, nagsilbi si Bishop-elect Bersabal bilang assessor of marriage cases para sa metropolitan tribunal ng Archdiocese of Cagayan de Oro City, bilang chancellor, at bilang archdiocesan director ng Pontifical Mission Societies in the Philippines.
Ang kanyang appointment ay pagkatapos ng pagpili kay Auxiliary Bishop Efren Esmilla, na naupo sa kanyang posisyon noong Disyembre 2023.
Ipinanganak sa Magsaysay, Misamis Oriental, ang obispo ay naordinahan bilang pari para sa Arsidiyosesis ng Cagayan de Oro noong 1991.
Sa kanyang buong karera, nagsilbi siya sa iba’t ibang tungkulin, kabilang ang parochial vicar sa Our Lady of Snows parish, parish administrator sa Our Lady of Guadalupe parish, at parish priest sa St. Francis Xavier parish.
Hawak din niya ang posisyon ng ingat-yaman ng diocesan presbyteral council mula 2007 hanggang 2010 at kasalukuyang naglilingkod sa ilang mahahalagang lupon at komisyon sa loob ng diyosesis. Jocelyn Tabangcura-Domenden
