MANILA, Philippines- Naghain ang Commission on Elections (Comelec) ng motu propio petition para sa diskwalipikasyon labankay Pasay City mayoral candidate Editha Manguerra kaugnay sa kanyang naging pahayag laban sa mga Indian sa kanilang campaign rally.
Sa 19-pahinang petisyon na may petsang Mayo 2, sinabi ng Comelec Task Force on Safeguarding Against Fear and Exclusion in Elections (SAFE) na nilabag ni Manguerra ang mga probisyon ng Omnibus Election Code at Fair Elections Act dahil sa kanyang pahayag laban sa mga Indian sa Pasay.
Binanggit ng task force sa pamumuno ni Director Sonia Wee-Lozada ang nagin: “Tanggalin na natin ang Bumbay para wala nang amoy sibuyas na naiwan sa Pasay Gen,” na naging viral sa social media.
Bukod dito, ang ilang residente ng Pasay ay may limitadong kasanayan sa Ingles at ang mga dayuhang intern ay hindi pamilyar sa wikang Filipino.
Si Manguerra, sa kanyang tugon sa utos ng show cause, ay itinanggi ang paggamit ng salitang “Bumbay” bilang isang bagay na nilayon na maging mapang-abuso o racist o sa paglalayong “ibukod o mag-udyok ng pagtatangi laban sa anumang grupo.”
Habang pinagsisihan niya ang kanyang mga pahayag, ang task force ay hindi kumbinsido sa kanyang paliwanag.
Sinabi ng task force na ang pahayag ni Manguerra ay isang pangako sa kampanya at isang apela sa mga botante na “nagkikimkim ng mga pagkiling sa lahi, na nagpapahiwatig na ang kanilang mga hinaing (kahit na nag-ugat sa diskriminasyon) ay matutugunan.”
Hniling din sa petisyon sa Comelec na sakaling ianunsyo ang pagkapanalo ni Manguerra sa midterm elections, dapat na masuspinde ang kanyang proklamasyon.
Hiniling din ng task force sa Comelec na i-refer ang isyu sa law department para matukoy ang election offense. Jocelyn Tabangcura-Domenden
